3 Things God Cannot Do (Creole)

Èske vrèman gen 3 bagay Bondye pa kapab fè? Èske Bondye pa kapab fè tout bagay? Ann gade nan Pawòl Bondye a pou nou wè sa li menm li di nou. 1. Bondye pa kapab bay manti"Ah," Ou di, "wi, mwen kwè Bondye pa kapab bay manti." Sa a kapab sanble pito evidan oswa yon repons pyèj, men vre toutbon. Dapre sa ki ekri nan Pawòl Bondye a nan Tit 1:2 nou wè “Bondye, ki pa kapab fè manti.” Bondye, epi Bondye sèlman, ki kapab fè yon deklarasyon konsa. 2. Bondye pa kapab chanje"O, asireman," ou di, "Mwen kwè Bondye pa kapab chanje." Sa a tou se yon verite ki evidan. Bondye di nou nan Pawòl li, nan Malachi 3:6, “Mwen se Seyè a, mwen pa chanje.” Sa a se yon lòt karakteristik ki inik pou Bondye sèlman. 3. Bondye pa kapab pèmèt pechè antre nan syèl la"Hmmm," ou di, "Mwen pa sèten sou sa a. Mwen pa fin kwè sa." Men, èske w konnen kijan nou fè kwè se vre– vre absolimanvre? Paske Bondye li menm di nou, Bondye pa kapab bay manti epi Bondye pa kapab chanje. Kidonk, si Bondye te di sa, se vre e se laverite pou tout tan. Jezi te pale nan (Jan 3:3,5) “An vérité, an vérité, Mouin di ou, Eksèpté you moun fèt ankò, li pa kapab ouè rouayom Bondié a… An vérité, an vérité, Mouin di ou, si you moun pa fèt gras a dlo é gras a Léspri, li pa kapab antré nan rouayom Bondié a.” Ou kapab kesyone tout verite lòt moun ap bay enkli mwen menm. Men, sa nou jwenn nan Pawòl Bondye a (Labib) se verite, verite pou toutan (Sòm 119:89). Kounye a, si Bondye pa kapab pèmèt pechè yo antre nan syèl la, sa a se yon move nouvèl pou nou tout paske Bondye di nou tou: “Paské tout moun té fé péché, é manké la gloua Bondié” (Romin 3:23). Sa kapab yon verite difisil pou aksepte pou tèt ou, men fo ou aksepte li. Petèt ou te kwè ou te bon moun, men kounye a ou konnen ou se yon pechè. La Bib di nan 1 Jan 1:10 : “Si nou di ké nou pa t fè péché, nou fè Li parèt kòm you mantè, é paròl Li pa nan nou.” Èske gen plis nan istwa a? Èske gen yon mwayen pou moun ale nan syèl? Ann egzamine plis sa vre pawòl Bondye di nou. Nan Jan 14:6 Jezi te di, “Mouin sé chémin an, é la vérité, é lavi: pèsonn pap vini koté Papa a, sòf pa Mouin”. Jezi eksplike pa gen plizyè chemen pou moun ale nan syèl. Gen yonsèl chemen, e chemen sa a se Jezi li menm, paske se Li menm sèl ki te mouri pou peche nou yo: “Min Bondié té rékòmandé amou Li ban nou, paské, lè nou té toujou péchè yo, Kris té mouri pou nou” (Romin 5:8). Ankò, nou konnen sa a vre, paske Bondye te di li, li pa bay manti e li pa chanje. “Ni pa gin salu nan okinn lòt moun: paské pa gin okinn lòt non anba sièl, ki bay pami lòm yo, pa mouyain li, fòk nou sové” (Ak Yo 4:12). Sali se sèlman atravè Jezi. Gen yon ensidan ki anrejistre nan Bib la kote yon mesye te mande: “Kisa m dwe fè pou m sove?” Repons lan se te: “Kouè nan Ségnè a Jézu Kri, é ou va sové, é lakay ou” (Ak Yo 16:30-31). Ou ka di, "Men, èske mwen pa gen yon lòt bagay mwen ta dwe fè?” Bondye bay repons lan: “Paské sé pa la gras nou sové pa la foua: é sa pa soti nan nou minm; sa sé kado Bondié a: Sé pa gras-a zév yo, pou krint okinn moun ta louanjé” (Efézyin 2:8-9). Bondye te fè Sali yon bagay klè epi senp. Senpleman pran Bondye nan pawòl li. Pawòl li etènèlman vre (Sòm 119:60). Kounye a ou konnen ou se yon pechè; ou konnen ou pa kapab sove akoz zèv ou; epi ou konnen ou dwe kwè nan Seyè Jezi Kri pou kapab sove. “Répanti, é kouè lévanjil” (Mak 1:15). “Ké si ou va konfésé Ségnè Jèzu avèk bouch ou, é va kouè nan kè ou, ké Bondié té lévé Li pami lamò, ou va sové” (Romin 10:9). Si w te repanti epi w te kwè nan Seyè Jezi Kri kòm Sovè ou, ou kapab konnen ou gen lavi étènèl. Bondye di nan 1 Jan 5:13: “Mouin té ékri bagay sa yo pou nou ki kouè nan non Pitit Gason Bondié a, pou nou kapab konnin ké nou gin lavi étènèl, é pou nou kapab kouè nan non Pitit Gason Bondié a.” Nan tan lontan, ou te kapab swete ale nan syèl. Koulye a, ou kapab konnen ou prale nan syèl!